Informacioni I broshures/websites është informativ dhe nuk përfaqëson një ofertë publike.

Regjistrimi

1) Për të rezervuar një vend në kampet verore, ose kurset e gjuhës rekomandohet që të regjistroheni të paktën 8 javë para fillimit të kursit (10 javë për SHBA, Kanada dhe Angli)
2) Regjistrimi kryhet duke plotësuar formularin bashkëngjitur dhe duke kryer nje pagese per te garantuar ekzekutimin e detyrimit tuaj per permbushjen e kushteve dhe vullnetit per pjesemarrjen ne program, si edhe pagimin e sherbimit te ofruar ne kohe, permes një depozitë fillestare të parimbursueshme (te percaktuar tek kushtet e pageses) nga te cilat: 75 EUR/GBP/USD/CHF jane pagese per sherbimet e ofruara nga Integral. Kjo depozitë, me ekzekutimin e regjistrimit dhe kontrates do te konsiderohet se përfaqëson një pjesë të tarifës së plotë dhe do të zbritet nga vlera përfundimtare e kursit.
3) Për disa prej kurseve është e nevojshme një depozitë shtesë në regjistrim. Kjo gjë përmendet në pershkrimin dhe rregullimin e tarifës dhe ne lidhje me kete do të zbatohen kushtet e shkollës (pika 25). Depozita shtesë e përmendur në pikën 3 do të dorëzohet së bashku me pagesen dhe/ose depozitën e përmendur në pikën 2.
4) Konfirmimi i vendit nga ana e shkollës do të bëhet brenda 10 ditë pune.
5) Regjistrimet e kryera në më pak se 10 ditë para fillimit të kursit do të konsiderohen regjistrime të momentit të fundit dhe për to do të paguhet një tarifë shtesë me vlerë prej 25 Euro. Përjashtim bëjnë shtetet në të cilat ekziston regjimi i vizave: SHBA, Kanada dhe Angli. Në këto raste, regjistrime të momentit të fundit do të konsiderohen ato, të cilat bëhen në më pak se 8 javë para fillimit të kursit. Në rastin e regjistrimeve të tilla, të gjitha dokumentat dhe tarifat do të dorëzohen në momentin e regjistrimit.

Tarifa

6) Tarifat për kampet verore dhe kurset e gjuhës janë të publikuara në broshurë/ website me përjashtim të rasteve kur para pranimit të regjistrimit janë bërë ndryshime në çmimet dhe kushtet e kursit. Në të tilla raste, INTEGRAL merr përsipër që përpara regjistrimit, t’ju njohë me tarifat dhe kushtet e ndryshuara. Kjo do të konsiderohet oferta përfundimtare.
7) Pas konfirmimit të vendit tarifat nuk mund të ndryshohen.
8) Tarifat paguhen në monedhën me të cilën shkolla operon.

Kushtet dhe mënyrat e pagesës

9) Depozita (pika 2 dhe 3), e cila do të paguhet në momentin e regjistrimit, ne zbatim te kushteve sipas pikes 2) me siper, do të konsiderohet si kësti i parë i shumës përfundimtare.
10) Pjesa tjeter e tarifës do të depozitohet jo më vonë se 6 javë para datës së fillimit të kursit. Pagesa kryhet nëpërmjet bankës dhe INTEGRAL duhet të marrë brenda afatit të përmendur më lart një kopje të urdhër pagesës, e cila duhet të përmbajë emrin e nxënësit. Në rast se nuk respektohet afati, kursi mund të anullohet dhe tarifat e paguara nuk do të rimbursohen.
11) Për regjistrimet e bëra në afate më të shkurtra, tarifat do të paguhen në momentin e regjistrimit dhe janë të rimbursueshme vetëm per pjesen qe klasifikohen si te tilla dhe vetem në qoftë se nuk konfirmohet vendi për nxënësin. (pika 4 dhe 5).
12) Klientit do t’i jepen të dhënat e llogarisë bankare të Integral.
13) Ne rast mbifaturimi apo nënfaturimi, palët kanë të drejtë të kërkojnë në mënyrë reciproke korrigjimin e pagesës brenda një afati 5 ditor nga momenti kur është bërë njoftimi i këtij të fundit.
14) Në rastin kur nxënësi zgjat qëndrimin e tij në shkollë pas fillimit të kursit, tarifa për zgjatjen e qëndrimit duhet të paguhet jo më vonë se 1 javë para ditës së parë të periudhës së zgjatjes.

Kontakti me INTEGRAL

15) INTEGRAL do të mbajë lidhje me personin e regjistruar nëpërmjet një mënyre të zgjedhur nga ky i fundit: telefon fiks, celular, postë elektronike.
16) INTEGRAL vë në dispozicion një numër telefoni pune për të mbajtur lidhje me nxënësit gjatë ditëvë të udhëtimit, gjatë periudhës së kursit, si dhe në rastet e urgjencave mjekësore jashtë orarit të punës.
17) Në rastin e përdorimit të numrit të telefonit të punës, klientët janë të lutur të jenë të duruar dhe të respektojne ngarkesen e punes.

Anullim, ndërprerje ose ndryshim i kampit / kursit

18) Në rastin kur në kampin ose kursin e zgjedhur nuk ka më vende të lira, INTEGRAL ka të drejtën të ofrojë një kurs alternativ. Në qoftë se ky propozim nuk pranohet, atëherë do të rimbursohet vlera e depozitës së kryer, sipas kushteve te kesaj kontrate.
19) Në rastin e anullimit të kursit nga ana e shkollës, për shkak të rasteve të jashtëzakonshme, të gjitha tarifat do të rimbursohen, me përjashtim të pageses se sherbimit per Integral, kostove të kryera deri në atë moment për biletë avioni dhe siguracion. Për SHBA, Kanada dhe Angli nuk rimbursohen tarifa e vizës, kostot për dokumentat për vizë, etj.
20) Anullimi i kursit nga ana e nxënësit duhet të bëhet paraprakisht dhe me shkrim. Në rastin e anullimit të kursit pas regjistrimit do t’ju mbahet e gjithë depozita së bashku me depozitën shtesë (në qoftë se ekziston) dhe kosto të tjera lidhur me vizën, siguracionin, biletën e avionit, etj. Në rastin e anullimit të kursit në më pak se 6 javë përpara fillimit të tij, tarifat e paguara janë të parimbursueshme. Kjo është e vlefshme edhe për kurset/kampet për të cilat paguhet një depozitë shtesë dhe për të cilat do të mbahet e gjithë tarifa.
21) Për çdo ndryshim të bërë pasi kursi/kampi është konfirmuar, Integal aplikon një tarifë shtesë prej 25 Euro.
22) Në rastin e pamundësisë së nisjes së kursit në datën e përcaktuar për shkak të problemeve shëndetësore të nxënësit, disa nga kampet/kurset e gjuhëve i lejojnë klientëve të bëjnë një ndryshim falas të kursit/kampit në jo më pak se 1 vit të plotë.
23) Në rastin e ndërprerjes së kursit/kampit me dëshirë të plotë pas fillimit të tij, tarifat nuk do të rimbursohen. Përjashtim bëhet në rastin e shfaqjes së ndonjë sëmundje të rëndë dhe kur numri i ditëve deri në mbarimin e programit është më i madh se 10 (sipas marrëveshjes së bërë me shkollën).
24) Shkollat kanë të drejtën për të ndryshuar / anulluar kurset / kampet.
25) Për shkollat të cilat kërkojnë depozitë shtesë (shikoni pikën 3) kushtet për anullimin apo ndërprerjen e kursit / kampit do të bëhen me dije në momentin e regjistrimit.

Situata të përgjithshme

26) Nxënësit nën moshën 18 vjeç duhet të udhëtojnë jashtë vendit me një deklaratë noteriale të firmosur nga të dy prindërit, e marre dhe formalizuar dhe vertetuar, sipas kerkesave te legjislacionit Shqiptar ose vendit te programit. Një kopje e saj duhet t’i jepet INTEGRAL në momentin e regjistrimit, ose jo më vonë se 7 ditë para nisjes.
27) Rekomandohet që gjatë udhëtimit nxënësi të ketë një kopje të çertifikatës së lindjes me vete.
28) Nxënësit që do të udhëtojnë në vendet e BE-së rekomandohet të kenë kartë Shëndetësore Ndërkombëtare Shëndeti me vete.
29) Orët e studimit në të gjitha shkollat zgjasin minimumi 45 minuta.
30) Nxënësit janë të detyruar të jenë gjithmonë prezent gjatë orëve të mësimit, të jenë korrekt dhe të marrin pjesë në të gjitha aktivitetet e përfshira në tarifën e kursit / kampit.
31) Nxënësi duhet të ketë para xhepi me vete gjatë periudhës së qëndrimit. Disa shkolla përmendin një shumë të detyruar parash xhepi.
32) Shkolla pranon nxënës në gjëndje të mirë shëndetësore.
33) Në rastin kur fëmija ka alergji nga disa ushqime, ilaçe, apo alergji të tjera, ju lutem të informoni Integralin me detajet përkatëse në momentin e regjistrimit.
34) Shkolla ka të drejtën të skualifikojë një klient pa i rimbursuar tarifat në rast se, por pa u kufizuar vetem ne, sjellja e tij thyen ligjet e vendit në fjalë, normat e sjelljes të pranuara unanim, ose thyen rregulloren e brendshme të shkollës.
35) Për nxënësit më të vegjël se 16 vjeç shkolla mund të veprojë, në rastet kur është e nevojshme si një prind, por nuk mban përgjegjësi për veprimet e tyre.
36) INTEGRAL dhe shkolla nuk mbajnë përgjegjësi për sendet personale të nxënësit.
37) Klienti duhet të jetë i përgjegjshëm për të gjitha dëmet dhe humbjet gjatë periudhës së qëndrimit të tij dhe është i detyruar që për një periudhë 3 ditore nga momenti i njoftimit, të paguajë shumën që i detyrohet shkollës. INTEGRAL do të komunikojë me shkrim shumën për t’u paguar jo më vonë se 8 javë nga përfundimi i kursit.
38) Preferencat për familjen pritëse/llojin e akomodimit të përmendura në momentin e regjistrimit do të merren parasysh, por përmbushja e tyre nuk është e garantuar.
39) Nëse familja pritëse nuk mund të akomodojë nxënësin për shkaqe të ndryshme të cilat nuk varen nga shkolla, ose nga INTEGRAL, atëherë nxënësit do t’i sigurohet një tjetër akomodim. Këto ndryshime do t’ju bëhen me dije prindërve.
40) INTEGRAL angazhohet të kryejë regjistrimin për kursin e përcaktuar në formular kur ekzistojnë vende të disponueshme. Në të kundërt Integral do të ofrojë një kurs tjetër alternativ.
41) Në rastin kur kërkohet nga nxënësi, INTEGRAL angazhohet të japë informacione shtesë rreth shkollës (për shembull aktiviteteve, ekskursioneve, etj.)
42) Gjatë festave ndërkombëtare në disa shkolla nuk zhvillohet mësim dhe për këto orë të humbura tarifat nuk rimbursohen. Kjo gjë përmendet në informacionet e dhëna në broshurë/website mbi tarifat.
43) INTEGRAL jep informacion për alternativat e udhëtimit me avion dhe mund të presë biletën e avionit, me përjashtim të rasteve kur klienti e siguron vetë biletën.
44) INTEGRAL informon nxënësit me detaje të ndryshme konkrete rreth udhëtimit, planifikon pritjen / percjelljen deri në vendin e akomodimit, në qoftë se është kërkuar që në momentin e regjistrimit dhe është e përfshirë në tarifën e kursit.
45) INTEGRAL njofton prindërit / nxënësin rreth ndryshimeve të ndodhura në programin e kursit / kampit dhe akomodimit.
46) INTEGRAL i komunikon prindërve dhe nxënësit çdo informacion që vjen nga shkolla. Nëse prindërit dëshirojnë, do të marrin informacion edhe mbi ecurinë e kursit / kampit.
47) INTEGRAL jep të gjithë informacionin e nevojshëm mbi udhëtimin dhe përgatit një dosje me të gjitha dokumentat e nevojshme për udhëtimin dhe qëndrimin e nxënësit.
48) Studentët duhet të zbatojnë rregullat e shkollës, nëse ka një limit në kohën e daljes jashtë saj në mbrëmje. Vetëm pas aprovimit nga shkolla dhe një deklarate të nënshkruar nga prindi, ky kufizim mundet të mos respektohet.
49) Për çdo vizitë nga familjarë ose të afërm, prindërit janë të detyruar të njoftojnë INTEGRAL ose qendrën e gjuhës.

*Me pranimin e këtyre Kushteve të Përgjithshme, studenti dhe/ose prindërit e tij (kujdestarët) kanë nënshkruar një kontratë drejtpërdrejt me shkollën dhe / ose me organizatat e transportit.

Shërbime shtesë

50) INTEGRAL mund të sigurojë biletën e avionit pa asnjë tarifë shtesë dhe ofron ulje për prenotimet e bëra përmes agjencisë Sunny Holiday. INTEGRAL mund të blejë biletën në emër të klientit sipas orarit dhe ditëve të përcaktuara nga shkolla, dhe kostoja e biletës rëndon mbi klientin.
51) Nëse kursi anullohet / ndryshohet dhe bileta automatikisht duhet të ndryshohet. Në këtë rast (shikoni pikën 47) shuma e paguar për biletën do të rimbursohet vetëm në rast se kompania e fluturimit e ka këtë opsion. Ky lloj opsioni prenotohet që në momentin e rezervimit.
52) Ekzistojnë raste në të cilat nuk është e mundur blerja e biletave në ditët e caktuara në broshurë për mbërritjen dhe nisjen, për shkak të mungesës së fluturimeve në ato data. Në të tilla raste, mund të mbërrihet më herët ose të bëhet nisja pas datës së përcaktuar të kursit apo akomodimit. Në këtë rast kostot shtesë të akomodimit ose transfertës mbulohen nga klienti.
53) Nxënësit nën moshën 13 vjeç, të cilët udhëtojnë pa shoqërues, duhet patjetër të prenotojnë shërbimin e shoqërimit (UM service) nga kompania e fluturimit dhe njëkohësisht të prenotojnë të njëjtin shërbim edhe nga shkolla. Një person nga stafi i shkollës do ta shoqërojë fëmijën deri tek personi i autorizuar nga kompania e fluturimit që do jetë duke i pritur. Shërbimi prenotohet që në momentin e regjistrimit. Në rast të kundërt shkolla ka të drejtë të refuzojë regjistrimin.
54) Nëse klienti nuk dëshiron të përfitojë nga shërbimet e INTEGRAL për udhëtimin, ai duhet ta deklarojë këtë gjë që në momentin e regjistrimit, si dhe të informojë për intervalet kohore, vendin e mbërritjes / nisjes dhe të sigurojë një biletë që të respektojë oraret dhe datat e përcaktuara nga shkolla. Në një situatë të tillë INTEGRAL nuk mban përgjegjësi për bileta që nuk respektojnë kushtet e kërkuara, si dhe për biletat e paguara përpara momentit të konfirmimit të vendit nga ana e shkollës për kursin / kampin e zgjedhur.
55) Në rastin e pikës 54, sipas kërkesës së shkollës, klienti duhet të japë një numër telefoni të disponueshem çdo ditë për t’u lidhur me agjencinë që ka prerë biletën.
56) Në rastin e pikës 53 klienti duhet të japë informacione të detajuara rreth udhëtimit së paku 10 ditë para fillimit të kursit. Në rast të kundërt, shkolla ka të drejtë të refuzojë organizimin e pritjes në aeroport.
57) Në qoftë se keni zgjedhur shërbimin e transfertës nga/deri ne aeroport, fëmija do të pritet/përcillet nga një përfaqësues i shkollës dhe do të dërgohet deri në vendin e akomodimit me një autobus të shkollës ose me taksi. Shkollat të cilat kanë përmendur se në nisje sigurojnë vetëm transportin, nuk kanë shoqërues deri në check-in.
58) INTEGRAL nuk mban përgjegjësi nëse nxënësi humb fluturimin, bën vonesa apo humbet bagazhet (ai ose kompania e fluturimit) per shkaqe te cilat nuk varen dhe nuk lidhen nga/me Integral.

Siguracioni shëndetësor

59) Nxënësit që udhëtojnë jashtë vendit janë të detyruar të kenë një sigurim shëndetësor për periudhën e qëndrimit jashtë vendit ose një kartë internacionale shëndeti për shtetet e BE.
60) Në rastin kur sigurimi është bërë nga klienti, atëherë ai duhet të përshtatet me kërkesat e shtetit në të cilin klienti do të udhëtojë. Një kopje e siguracionit duhet t’i jepet përfaqësuesve të INTEGRAL.
61) INTEGRAL jep informacione rreth siguracioneve të ofruara. Ato mund të mbulojnë të gjitha shpenzimet në rastin e anullimit të kursit nga ana e klientit, etj.

Viza (Angli, Kanada dhe SHBA)

62) INTEGRAL përgatit formularët për marrjen e vizës.
63) Klienti duhet t’i japë përfaqësuesve të INTEGRAL dokumentat e nevojshme për marrjen e vizës, sipas afatit dhe listës që Integral do t’i japë në regjistrim, jo më vonë se 5 javë përpara fillimit të udhëtimit. Pagesa e vizës bëhet online në zyrën e Integralit kur përfundohet aplikimi.
64) Viza Kanadeze. Në përputhje me kërkesat e fundit të shërbimit konsullor të gjitha dokumentat e dorëzuara për vizë (nëse nuk janë në formën e tyre origjinale në gjuhën angleze) duhet të jenë të përkthyera në gjuhën angleze nga një përkthyes i autorizuar. INTEGRAL angazhohet t’i mundësojë këtë shërbim klientit nëpërmjet një kompanie të jashtme dhe kostot do të mbulohen nga klienti. Shërbimi do të paguhet nga klienti dhe do të zgjasë 1 deri në 3 ditë pune.
65) Në rastin kur punonjësit e shërbimit të vizave dëshirojnë të shohin personalisht kandidatin ose të kërkojnë dokumenta shtesë, një përfaqësues INTEGRAL do t’ju informojë mbi këtë gjë. Mos paraqitja në intervistë ose mos paraqitja e dokumentave të nevojshme nga ana e kandidatit do të konsiderohet si refuzim vize dhe anullim kursi. (shikoni pikën 23)
66) Viza Amerikane. Procedura mund të zgjasë përafërsisht 8 javë dhe është e nevojshme prania e kandidatit në një intervistë tek shërbimi konsullor dhe në rast se nxënësi nuk i ka mbushur 18 vjeç, duhet të shoqërohet të paktën nga njëri prej prindërve.
67) Viza Angleze. Procedura mund të zgjasë përafërsisht 4 - 5 javë dhe është e nevojshme prania e kandidatit në një intervistë tek TLS dhe në rast se nxënësi nuk i ka mbushur 18 vjeç, të shoqërohet të paktën me një nga prindërit.

Forca Madhore

68) Asnje nga palet nuk do te mbahet pergjegjese per shkak te mosperbushjes plotesisht apo pjeserisht, ne kohen apo menyren e parashikuar, te detyrimeve te percaktuara ne kete kontrate, kur kjo mospermbushje rrjedh prej ngjarjeve me pasoja te pashmangshme dhe me kosto teper te madhe per palen mbi te cilen rendojne, ngjarje te cilat ishin te paparashikueshme ne daten e hyrjes ne fuqi te kontrates.
69) Ne ngjarjet e mesiperme perfshihen pa u kufizuar vetem ne to te gjithe rastet e fatkeqesive natyrore, pandemite, rastet e kufizimeve dhe mbylljeve te aerporteve, rastet e zbatimit te urdherave ose akteve qeveritare, termetet zjarret, permbytjet, epidemite, grevat, protestat, dhe ne pergjithesi cdo gje qe eshte jashte kontrollit te Integral dhe paleve ne kontrate.
70) Pala qe pretendon ngjarje te tilla duhet te njoftoje menjehere me shkrim dhe ne menyre te detajuar palen tjeter per shkaqet e mospermbushjes, si edhe, te marre te gjitha masat e nevojshme dhe te mundshme per te kufizuar efektet e ketyre ngjarjeve.
71) Nese ngjarja nuk mund te shmanget ose eliminohet brenda 20 diteve, Integral ka te drejte te zgjidhe kete kontrate pa asnje pergjegjesi te lidhur me veprimin e zgjidhjes apo detyrimet e parashikuara ketu.